Во период од 15-22 август во детското одморалиште „Мајски цвет“ се одржа МОФ Летната академија „Слобода на изразување“, на која учествуваа 150 средношколци и студенти од 14 градови од Р.Македонија. Со 9 учесници на академијата учествуваше и младинскиот клуб при Фондацијата „Фокус“ од Велес.
На академијата се одржаа серија на обуки и тоа: обука за тренери по дебата и учиме право, обука за дебатни судии, обука за аудио и видео активизам , изработка на накит од е-отпад, граѓанско новинарство, изведбени уметности и перформанс градеа вештини и промовираа слобода на изразување.
Исто така младите имаа можност да дебатираат по Карл Попер форматот и Британска парламентарна дебата.
Фондацијата ФОКУС, во деновите 14 и 15 јуни 2011 год. во Хотел Метропол – Охрид , како партнер oрганизација на: тимот на Проектот Техничка поддршка за граѓанските организации –ТАКСО, Граѓанската асоцијација МОСТ, Фондацијата за развој на локалната заедница Штип и Асоцијацијата за демократски иницијативи учествуваше на конференција „Квалитетот во работењето на граѓанските организации“.
На 9 јуни во просториите на Фондација ,,Фокус“, се одржа прес конференција на која медиумите беа запознати со воспоставувањето на веб порталот wiki.mk на кој ќе може да се пронајдат сите корисни информации за Велес.
Целта на овој проект е да го надополни недостигот од информации значајни на локално ниво. На веб порталот откако претходно ќе се регистрира секој корисник, може да дополнува информации но и да комуницира со останатите корисници на страницата.
Воспоставувањето на wiki.mk доаѓа како резултат на успехот на слободната енциклопедија Википедија. Преку wiki.mk Фондацијата Матаморфозис и Викимедија во соработка со Фондацијата Фокус и локалната самоуправа на велешани ќе им ги направат достапни сите корисни информации за градот.
