Фондација ,,Фокус,, по четврти пат оваа година заедно со 30 мина моторџии од Велес го организираше новогодишното моторџиско дефиле. Овој пат Дедо Мраз на мотор подари 250 новогодишни пакетчиња на деца од социјално немоќни семејства, но и на дваесетмината посетители на Дневниот центар за лица со посебни потреби. Дефилето започна на Плоштадот во центарот на градот.
Дедо Мраз, кој дојде на мотор и им подари новогодишно пакетче на корисниците во Дневниот центар за лица со посебни потребни, на учениците во сите основни училишта во градот и на случајни минувачи, предизвика огромна радост кај децата.