Велес, 26 декември 2015 - Ротари клубот „Бели Мугри“ со помош и поддршка од Фондација за локален развој и демократија „Фокус“, трета година по ред, организираат новогодишна забава за деца сместени во згрижувачки семејства во Велес. Ротаријанците го избираат Фокус поради тоа што фондацијата долги години е препознатлива по филантропија. Даесет и три деца од Велес добија новогодишни пакетчиња и подароци. Тоа беа играчки наменети за детска возраст од 6 до 12 години.
Ротари клубот ,,Бели мугри“, Велес во соработка со Фондација ,,Фокус“ доделија новогодишни пакетчиња и играчки на 15 деца сместени во згрижувачки семејства во Велес, како и 6 деца кои потекнуваат од социјално немоќни семејства. Пакетчињата со многу желби за радост, среќа и успех во следната година на дечињата им ги подари Дедо Мраз. ,,Со оваа хуманитарна акција во која членовите на Ротари клубот,, Бели Мугри“ собраа играчки, а ,,Жито маркетите“ донираа пакетчиња сакавме да им ја разубавиме новата година на дечињата и да им подариме малку среќа. Благодариме за несебичаната поддршка од Фондација ,,Фокус,, и се надеваме дека истата ќе продолжи и во иднина,, рече Пере Гуџов, претседател на Ротари клубот.
Фондација „Фокус“ донираше работни материјали за активностите во психо – социјалните креативни работилници на Дневниот центар за лицата, корисници на дрога и други психотропни супстанции од Велес. Донацијата се состои од темперни и акрилни бои, бои за стакло, четки, конци, волница, лепаци и други материјали кои може да се употребат за изработка на декоративни предмети, украси, сувенири, накит во зависност од интересот и способностите на корисниците на Центарот.
