Опрема вредна 24 илјади долари (4 компјутери, печатар, телефонска централа, сервер, клима уред и возило) на Фондација Фокус и подари УСАИД. Припоредавањето на опремата во просториите на Фондацијата го изврши г-дин Ерик Пасифик, директор на канцеларијата за демократија и локална самоуправа во УСАИД.

 

Се работи за редовна практика на УСАИД користената опрема по завршувањето на проектите да ја донира на успешни невладини организации. Оваа опрема Фокус ја доби како резултат на успешно спроведените три проекти во изминатите три години финансирани од фондови на Соединетите Американски држави.

1.     „Насмевка во пижами“ со кој се доопреми детското одделение во болницата во Велес,
2.    „Ние за нашата заедница“ во рамки на кој се реализираа работилници за утврдување граѓански приоритети и јавни расправи за годишните програми и буџетот во општините Велес, Градско, Лозово и Чашка и поддршка на иницијативи на невладини организации во вредност од 10.000 усд.
3.    „Воспоставување фонд за поддршка“ со кој на 50 деца од социјално немоќни семејства им се обезбеди бесплатен оброк и им се донираа новогодишни пакетчиња, сликовници и комплети лектири.

 

 

 

Донираната опрема ќе ја олесни реализацијата на програмските активности на Фокус во иднина и ќе придонесе за постигнување на уште поголеми резултати и признанија.