Фондацијата ФОКУС, во деновите 14 и 15 јуни 2011 год. во Хотел Метропол – Охрид , како партнер oрганизација на: тимот на Проектот Техничка поддршка за граѓанските организации –ТАКСО, Граѓанската асоцијација МОСТ,  Фондацијата за развој на локалната заедница Штип и Асоцијацијата за демократски иницијативи учествуваше на конференција „Квалитетот во работењето на граѓанските организации“.

 

Целта на оваа национална конференција беше  презентирање на  искуствата од воведување на стандарди за квалитет на граѓански организации од регионот и од земјата и се дискутираше за важноста на квалитетот во работење и стандардизирањето на истиот.  Работните сесии беа насочени кон размена на искуства, согледување на потребите од подигнувањето на квалитетот во работењето на граѓанските организации и препреките со кои се соочуваат. На крајот од конференцијата се идентификуваа препораки што треба да се преземе за зајакнување на квалитетот во работењето. Заклучоците и препораките од работните групи, како и од дискусиите на конференцијата ќе бидат основа за следни чекори.