Во рамки на активностите поддржани од програмата на Цивика мобилитас, Фондација за локален развој и демократија Фокус, на 30.06.2017 година ја одржа средбата со претставници на млади лица од локалната заедница. Тие имаа можност да се запознаат со мисијата и визијата на Фондацијата како и за плановите и проектните идеи кои има намера да ги реализира во иднина. На средбата присуствуваа матуранти, средношколци и студенти. Тие покажаа голем интерес да бидат дел од програмите на Фондацијата поврзани со младите.
Извршниот директор на Фокус Убавка Јаневска им потенцираше дека вратите на Фондацијата се отворени за нив и нивните креативни идеи, а иницираше и нивна поголема вклученост во програмите за млади на Еразмус +.
Велес, 25 декември 2015 - Триесетина фотографии со портите од најавтентичните куќи од старата велешка архитектура наместо во ликовен салон каде се одржуваат речиси сите ликовни изложби и изложби на фотографии, беа изложени во еден кафе бар во градот. Фотографиите ги изработија членовите на Медиа арт клубот при Младинскиот образовен форум од Велес. Според нив фотографиите ги симболизираат затворените врати на институциите во општеството. Изложбата е насловена „Шимшир порти затворени“
Велес, 16 октомври 2015, Вози внимателно – некој те сака“, „Не седнувај зад волан пијан, за твојата забава ќе плаќа некој друг“, ова се само дел од пораките кои денеска неформална група средношколци активисти им ги упатија на младите велешки возачи. Со делење на флаери и брендирани шољи за кафе, на кои беа испишани разни пораки, тие се обидоа да ја подигнат свеста кај младите, додека седат зад волан или возат моторцикл, да ги почитуваат сообраќајните правила.
