Според подготвените Планови, од страна на психолозите во двете партнерски институции на Фондација „Фокус“ имплементирањето на активностите во првата, поточно клонот „Ѕвончица“ започна на 21 септември 2020 со симболично засадување на туја како и на садници со цветни аранжмани додека почетокот во ПОУ „Маца Овчарова“ се случи на 7 Октомври 2020 година.
Во детската градинка и во училиштето се спроведоа донаторски акции на стаклени тегли со учество на голем број на родители.
Теглите послужија за изведување на проектната активност „Креативна работилница за украсување на тегли“ и потоа се наполнија со хумус и се засадија пченица и леќа за да започне процесот на набљудување од страна на децата или процесот на `ртење и развој на семето до стебло.
И родителите на децата кои се образуваат во ПОУ „Маца Овчарова“ испратија тегли за првата активност „Креативна работилница за украсување на тегли“. Таму се спроведоа две креативни работилници, затоа што активностите море да течат во две групи, првата од III до V одделение и втората од VI до IX одделение.
Бидејки во дворот на детската градинка во клон “Ѕвончица“ дозволуваше ѕидовите да бидат украсени со многу цветови, билки, сонца и насмевки, вредните млади учесници во проектот заедно со воспитувачките, негователките и техничкиот персонал, дополнително ја разубавија Зелената детска градина со цртежи. Повеќето сонца треба да придонесат за садените и изртени никулци на пченица, магдонос, нане и леќа.