Училишната зелена детска приказна во ПОУ „Маца Овчарова“ започна на седми октомври 2020 година и убаво се совпадна со „Детската недела“, која секоја година се одбележува од 5 до 9 октомври со разни активности. Автор на приказната е Фондацијата за локален развој и демократија „Фокус“-Велес преку прооектот „Зелени детски градини“.
Преку организирање на настани и работилници за создавање на зелена училишна градина се остварува целта: учениците да се едуцираат, да го запознаат процесот и да учествуваат во засадување, негување и израснување на зелени млади стебленца од билки и зеленчук, извор на здрава храна. Ова е само почеток, во кој, се разбира, главни учесници се учениците, со поддршка од нивните наставници и стручни соработници, а првата активност, лесна и интересна: Украсување и означување на имиња од учениците, на стаклени тегли во кои ќе засадуваме семчиња од леќа и пченица.
Училниците се претворија во мали работилници во кои со внимание и задоволство се употребуваа бои, фломастери, самолеплива хартија и набрзо се добија украсни тегли спремни за следната активност.
Следната активност, се одржа на 9 октомври 2020 година кога топлите зраци на есенското сонце, во училишната сензорна градина, во која полека но сигурно, се подигнува „Зелена детска градина“, во ПОУ„Маца Овчарова“ нашата нова пријателка, Убавка Јаневска, координатор на проектот од Фондација за локален развој и демократија „Фокус“, ги запозна учениците со значењето на зеленчукот во здравата исхрана на децата.
Впечатоците од презентацијата, вредните ученици од I до V и од VI до IX одделение сликовито ги прикажаа во своите цртежи, со помош и поддршка на наставниците, а потоа во своите жардинери засадија семиња од пченица и леќа.
Впечатоците од презентацијата, вредните ученици од I до V и од VI до IX одделение сликовито ги прикажаа во своите цртежи, со помош и поддршка на наставниците, а потоа во своите жардинери засадија семиња од пченица и леќа.
Проектот „Зелени детски градини“ е финансиран од Министерството за животна средина и просторно планирање на Република Северна Македонија од програмата за поддршка на граѓански организации за 2020 година и финансиски поддржан од Општина Велес.