Фондација „Фокус“ согласно планот на активности од Договорот за соработка со Здружението за хумано домување  „Хабитат Македонија“ во проектот „Одржлив урбан развој на ромските заедници“ во Велес, на 27 и 28 мај 2021 година, во салата за состаноци на Дом на НВО организираше и спроведе две работни средби со потенцијални членови на Локална лидерска група во Велес.

До општествено одговорните фирми ДПТГУ „Делта Пром“ и „Малина“ ДООЕЛ Велес беа испратени информативни писма за партиципација на претставници во ЛЛГ на што фирмите се одзваа и испратија по еден претставник, од првата дипломиран Архитект инжинер додека од втората дипломиран Економист. Освен со бизнис заедницата, тимот на „Фокус“ стапи во контакт со Џамискиот одбор на Муслиманската верска заедница во Велес кои помогна во делот на обезбедување на припадници од ромската верска заедница кои живеат во четирите области што се дел од активностите на проектот „Одржлив урбан развој на ромската заедница“.

Исто така од База на податоци за социјално ранливи категории на граѓани, со која располагаат „Фокус“ и ЗГ „Хаус оф хоуп – Ленче Здравкин“ таргетираше 12 преставници кои живеат во областите дел од жителите Рамина, Железен мост, Сула Чешма и дел од централното градско подрачје. Потоа беа остварени контакти со директорките на двете основни училишта на десната страна на градот, првото за ученици и ученички со посебни потреби „Маца Овчарова“ и второто ООУ „Панко Брашнар“ во кое учат ученици и ученички од ромска и турска етничка заедница. „Фокус“ доби наставници и претставници на психолошко – педагошката служба за членови во ЛЛГ.

Во исто време беше разговарано и со две Приватни здравствени установи кои имаат амбуланти и обезбеди лекарка што работи со најголем број на припадници на ромската и турската заедница. Контакт беше остварен и со ЈКП „Дервен“ од каде беше потврдено членување во ЛЛГ на две претставнички од кои едната од Одделението за комунална хигиена и услуги. На поканата се одзваа и тројца познати хуманитарци во Велес како и претставничка на ЗГ „Акцијаш ветерани“.

По информативниот дел за проектот и споделените искуства од конституирање, функционирање и спроведени активности на ЛЛГ во други градови во Македонија од страна на проект менаџерката  на проектот Теодора Гурмешева и соработничката Александра Савевска, на двете средби за формирање на ЛЛГ се разви дискусија. Во стручниот дел за изработката на ДУПи дополнителни информации даде и Костадин Настевски за потоа со дип.арх.инг Цветанка Саздова да разменат мислења за предностите од плановите во насока на што подобро планирање на просторот, постапки и законски обврски на легализацијата на бесправно изградените градби итн.

И на втората средба за формирање на ЛЛГ имаше издржана дискусија поттикната од наставничките и претставничките на стручните служби во двете основни училишта во кои учат најголем број на деца од ромска и турска етничка заедница. Дел од нив дадоа и конкретни предлози што сметаа дека заслужуваат да се најдат во работниот план на ЛЛГ.

Во моментов тече постапката на пријавување на граѓаните учесници на двете средби за составот на Локалната лидерска група во Општина Велес.