На 10.12.2011 година во општина Велес се одржа јавна расправа по нацрт-буџетот на општината и програмата за работа на Совет за следната 2012 година. На расправата присуствуваа 23 учесници меѓу кои претседателот на Совет, Славчо Чадиев, 12 претседатели на месни заедници, 7 претставници од здруженија на граѓани и фондации и 4 претставници од општинската администрација.
На јавната расправа беа презентирани 14-те развојни програми и нацрт буџетот на општината. Буџетот на општина Лозово за следната 2011 година е проектиран на 39.681.000 денари. Пред присутните беа презентирани дури девет програми кои ги усвоил Советот на општината и по кои ќе работи во следната година, за разлика од само три кои ги имаше општината за оваа година. По образложените програми од присутните на јавната расправа беа дадени неколку забелешки меѓу кои асфалтирање на улицата до црквата, обезбедување средства од буџетот за реализација на културни и спортски манифестации.
Во организација на Општина Велес и Фондација „Фокус“, на 3-ти ноември годинава, во просториите на Општина Велес се одржаа јавни расправи по нацрт –програмите за активностите на општината во 2012 година наменети за институциите, здруженијата на граѓани, месни и урбани заедници и заинтересирани граѓани.
Општина Велес и Фондација „Фокус“ во текот на следната недела ќе организираат уште една јавна расправа по програмата за млади и спорт на која ќе можат да вклучат сите спортски здруженија, младински здруженија и заинтересирани млади од градов.
