Фондација Фокус како соработник во реализацијата на проектот “Оддржлив урбан развој на Ромските заедници„ кој е поддржан од здружението за хумано домување “Хабитат-Македонија„ и Општина Велес започна со реализација на дел од почетните активности преку дистрибуција на информативни летоци на граѓаните кои живеат во реоните “Спомен Костурница„ во близина на Железен Мост и Карпа Маале во Велес.
Информативните летоци беа поделени со посета на домовите во кои живее Ромско население кога низ разговори и одговори на прашања им беа објаснети проектните активности како и придобивките од нивното учество во проектот.
Поделбата на летоците беше реализирана на три реони на ден 22, 23 и 24 март 2021 година. Во трите дена беа поделени 500 флаери.
Поради зголемениот број на граѓани со корона вирус во Велес, проектниот тим на фондацијата, со одобрување на донаторот, одлучи времено да ја запре теренската посета на граѓаните од Ромската заедница во месноста Рамина каде што живее и најголем број на граѓани и семејства од оваа етничка заедница.
Со делење на летоци на Рамина проектниот тим на фонација Фокус ке продолжи штом се подобри состојбата со пандемијата, се намалат бројките на заразени Велешани во четвртиот ударен бран.
Проектот „Одржлив урбан развој на ромските заедници“ на Хабитат Македонија финансиран е од Европска Унија од грант договор број EuropeAid /162627/DD/ACT/MK.