На работниот состанок што се одржа на 15 септември 2020 година беа присутни осум средношколци заедно со тројца претставници на Клуб на млади на Фондација „Фокус“.
Во времетраење од час и половина, се дефинираа конкретни предлози од дебатата „Младите и граѓанскиот активизам“ одржана на 10.09.2020 година во паркот во рамки на училишниот двор на Гимназија „Кочо Рацин“ и ССОУ „Димитрија Чуповски“.
На средбата беа формулирани конкретните Предлог –Приоритети и се дадоа насоки за техничка и визуелна изработка на флаерот што беше договорено да се испрати на одобрување кај Коалиција „СЕГА“ а потоа и да се отпечати.
Сите присутни беа максимално мотивирани да го концепираат текстот и точно да го утврдат изгледот на флаерот.
Работниот состанок го водеа Моника Алтиева, Стефан Ангеловски и Даниел Димов.
Клубот на млади на Фондација за локален развој и демократија „Фокус“ работниот состанок го одржа како активност финансиски поддржана од проектот „Младите и европските вредности“ на Коалиција на младински организации „СЕГА“ од Прилеп