Фондација за локален развој и демократија Фокус започна со акција за собирање средства за упис на студент од социјално немоќно семејство. Годинава Фокус ќе поддржи упис на двајца матуранти на државен факултет во учебната 2017-2018 година.
Затоа апелираме до граѓаните, кој колку може, да го донира својот доброволен прилог во касичките на Фокус поставени во маркетите на Алфа и Вемарк и во хотелите Романтик и Гардениа. На тој начин ќе помогнат на одличен, одговорен и желен за знаење и успех матурант чија единствена пречка да стекне високо образование е немоќта на семејството.
Точна локација на маркет Вемарк, над Гимназијата и во маркетите на Алфа лоцирани во населба Тунел, кај Полиција, на Којник и кај поранешен хотел Вила Зора.
Фондација Фокус со апел и до бизнисмените, да ја поддржат иницијативата на Фокус и да покажат дека нивните фирми се општествено одговорни.
Петта година по ред Фондација Фокус ја реализира кампањата за собирање парични средства за упис на студенти од социјално немоќни семејства. Досега успеа да запише четворица студенти на државните факултети.
Донации уплатете ги на сметката на Фондот за поддршка со број Сметка 300270000081648
Назив: ФОКУС Велес-ФОНД ЗА ПОДДРШКА даночен број: 4004006120040
„Сите заедно за уште двајца нови академски граѓани на Велес“!
Кампањата се реализира со поддршка на Цивика мобилитас.
Велес,28.09.2016 - Деветнаесет годишната Розета М. од Велес е овогодинешниот стипендист што ќе ги користи собраните 12 илјади денари од хуманитарната акција за упис на студент од социјално немоќно семејство во академската 2016/2017 година организирана и реализирана од Фондација за локален развој и демократија „Фокус“.
Ваква одлука донесе тричлената комисија составена од граѓани на Велес, поранешни професори и граѓански активист, во средата на 28 септември. Претседателот на Комисијата за доделување на паричните средства Бранислав Панов, професор по музичко образование во пензија, заедно со членовите Божидар Јовиќ, општински инспектор за образование во пензија и Страхил Тодоров, доктор на медицина и граѓански активист, ги разгледаа пристигнатите документи на двете кандидатки на јавниот повик на Фондација „Фокус“ и одлучија поради континуирано повисокиот успех, во четирити години на средношколското образование, паричната помош да и ја доделат на кандидатката Розета М. од Велес, стдент на Филолошки факултет на Универзитетот „Гоце Делчев“ во Штип.
Фондација Фокус денеска склучи договор за донација со стипендистката и денеска ја уплати првата рата за партиципација додека втората ќе и биде уплатена на почетокот на вториот семестар.
Оваа активност беше поддржана од Цивика мобилитас.
06.09.2016 ,Велес , Фондација за локален развој и демократија Фокус собра вкупно 13 илјади денари во акцијата за собирање парични средства за упис на студент од социјално немоќно семејство. На некој од државните факултети во државата Фондација Фокус годинава ќе помогне да се запише еден студент и за таа цел ги повикува сите заинтересирани млади од Велес кои потекнуваат од социјално немоќно семејство да ги достават потребните документи во просториите на Фондацијата, кои се наоѓаат на улица Солунска 2А во центарот на градот, поточно спроти менувачница Североф.