Петнаесетина лица со инвалидност добија можност за дневен престој во ново отворениот Дневен центар „Детелина".
Дневниот Центар „Детелина" е прв од ваков вид во рурална средина и секојдневно ќе згрижува 10-15 лица кои ќе се едуцираат и ќе се дружат и на тој начин ќе се помогне во нивната социјализација и интеграција во општественото живеење. Освен овие лица, уште стотина други ќе имаат можност да ги користат услугите кои мобилни тимови во иднина треба да им ги обезбедат преку домашни посети.
Едукативни материјали во вредност од 29.414,00 денари, донација од Меѓународната асоцијација на жени (IWA) и два половни компјутери донации од „Акција здруженска“ и мото клубот “Cross Bearers MK”, ќе помогнат во секојдневното работење на лицата со инвалидност кои од утре, 23ти Mај ќе ги користат услугите на Дневниот Центар „Детелина“ во општина Чашка.
Фондација „Фокус“ во соработка со Здружението за лица со церебрална парализа го реализираат проектот „Дневен центар за лица со инвалидност и нивна инклузија во општественото живеење“, финансиран од Институтот за човекови права Лудвиг Болтцман, Министерство за труд и социјална политика и Општина Чашка. За прв пат Дневниот Центар ќе биде промовиран на 21 Април, на настанот кој што ќе се одржи по повод патрониот празник на ОУ „Петар Поп Арсов“ од с. Богомила , Општина Чашка.
