Петта година по ред, Ротари клуб „Бели Мугри“ Велес заедно со Фондација Фокус, организираше предновогодишна забава за децата од семејства кои живеат во социјален ризик. Дваесет и едно дете, час и половина се забавуваа во игротеката „Парк“. Тие играа, пееја и се забавуваа заедно со чичтко Тони на познати хит песни како и на новогодишни детски песни. Децата ги придружуваа родителите кои не се во состојба да им пружат на нивните најмили новогодишни подароци.
По писменото барање на трите граѓански организации од Велес, Фондација за локален развој и демократија „Фокус“, Здружението за заштита на животни „Гласот на Животните“ и граѓанската организација „Куќа на надежта“, кабелскиот оператор „Телекабел“, како општествено одговорна фирма им го прости долгот на семејството Усинови во висина од 7.170 денари.Освен што им го избриша долгот, Телекабел на Усинови им овозможи бесплатна ТВ програма во наредните 12 месеци.
Дваесетина сиромашни семејства од градот добија хуманитарни пакети со храна за бадниковата вечер и божиќните празници. Во дводневната хуманитарна акција на извршната директорка на Фондација за локален развој и демократија „Фокус“ и членката на Одборот на Фондацијата Ленче Здравкин, по повикот на социјалните мрежи, изминатиот викенд, се приклучија голем број хумани граѓани, неколку сопственици на гостилница, месарница и пилјара.