Вреднувањето на професионалната комуникација меѓу вработените, било да е усмена или писмена, е од суштинска важност за успешна работа на граѓанските организации. Комуникацијата треба да биде транспарентна, чесна, да овозможува брзо реагирање и да биде ориентирана кон респектирање на тимот и тимската работа.

Затоа е потребно професионалната комуникација да не е груба, емотивна, супериорна, сомнителна, прекумерно сензитивна, нејасна или свесно неодговорна. Во професионалната комуникација, вработените не треба да се раководат од себични интереси, туку од интересите на фондацијата. Секој од тимот, вклучително и Извршниот директор, мора навремено да ги информира колегите за клучни аспекти од работењето на граѓанската организација, да има право да даде забелешка на сработеното и при тоа да е должен да го негува тимскиот дух на работа и да се раководи од интересите на граѓанската организација. Овие препораки произлегоа од работната средба на извршната директорка на Фондација Фокус со Блјана Бејкова од НВО Инфо центар.

На средбата беа разгледани, споредувани и анализирани процедурите и прописите според кои работи и секојдневно ги применува Фондација за локален развој и демократија „Фокус“ и на НВО Инфоцентар.

Средбата се одржа на 3 април 2019 година како дел од проектот „Фокус во Фокусот“ со цел да се зајакнат капацитетите на фондацијата во сите области на работа меѓу кои и внатрешната и надворешната комуникација.

Проектот е поддржан во рамки на Програмата „Одржливо граѓанско општество државно финансирање на граѓански организации“ што ја спроведуваат Македонскиот центар за меѓународна соработка (МЦМС), Блканаската мрежа за развој на граѓанското општество (БЦСДН) и Центарот за информирање, соработка и развој на граѓанските оргазнизации од Словенија (ЦНВОС). Програмата за структура и поддршка на граѓанското општество и медиуми 2016 – 2017 преку ИПА фондовите.