Фондација за локален развој и демократија Фокус - Велес на 14 септември 2019 година учествуваше на Денот на граѓански организации, организиран од Македонскиот центар за меѓународна соработка ( МЦМС) преку програмата Civica mobilitas, на плоштад Скендербег во Скопје.
Фондација Фокус, заедно со над 80 граѓански организации од Република Северна Македонија, ги презентираше резултатите од реализираните проекти, годинава, размени промотивени материјали и разговараше со претставници на девет граѓански организации за создавање партнерства, подготвување на заеднички иницијативи и акции преку кои ќе се подигне квалитетот на живот на граѓаните во локалната заедница.
Особено со учество на младите сограѓани кои можат да бидат креатори и реализатори на креативни и иновативни идеи преточени во акции. Придонесот на граѓанските организации во општеството е огромен, најголем дел од нив е препознаен од граѓаните, од кои граѓанските организации очекуваат соработка преку активен граѓански ангажман. Затоа идните иницијативите и проектите ќе имаат мотивирачки цели.