Како еден од основните принципи за развивање на демократијата волонтирањето овозможува:

• стекнување знаења и искуства и нивно пренесување во заедницата;
• запознавање со вредностите на граѓанското општество;
• стекнување свест за сопствените способности;
• размена на искуства, вештини и идеи;
• воспоставување партнерства;
• помош на други;
• патувања;
• запознавање нови луѓе.

Визија

Подобрување на условите за живот во локалната заедница по пат на доброволно ангажирање на граѓаните во решавањето на општествените проблеми и нивно вклучување во афирмација на одговорностите и грижата во заедницата во која што живеат.

Мисија

Промовирање на доброволната работа во полза на развојот на локалната заедница преку подигнување на свеста кај граѓаните за нивната улога и одговорност за демократизација на заедницата.

Цели

Фондацијата Фокус преку своите редовни волонтерски активности ќе ги остварува следните цели:

• промоција на волонтеризам;
• формирање на волонтерски клуб;
• воспоставување на кодекс и правила за работа;
• организирање на едукација и обука на волонтери;
• идентификување на потребите во заедницата за волонтерска работа;
• поддршка на граѓанскиот сектор и
• воспоставување  партнерства со јавниот и приватниот сектор.

Целни групи

Директни целни групи на ФОКУС се: граѓаните - активисти во локалните невладини организации, локалната власт, месните и урбани заедници и приватниот сектор.  

Принципи на работа и соработка

Во практиката на волонтирањето на Фондацијата за секое индивидуално или групно ангажирање ќе се почитуваат и применуваат следните принципи на работа и соработка:

• меѓусебна доверба;
• партнерство;
• активно учество и консултации;
• транспарентност (јавност);
• независност;
• одговорност;
• посветеност;
• немање на етнички, родов, социјален, политички и било каков друг фокус;
• доследност и професионалност.