На ден 24.11.2022 година се конституираше новиот клуб на млади на Фондација за локален развој и демократија ,,Фокус".

На изборната седница за нов претседател беше избрана Стефанија Јакимовска, а за секретар беше избран Филип Настов.

Членовите на клубот се договорија за 20 дена да ја подготват Нацрт-програмата на клубот за 2023 година.

Во просториите на Младинскиот центар во Велес,денеска,10 ноември,2022 година Ивана Мирчевска одржа работилница со фокус група во рамки на реализација на проектот „Млади медиуми“ којшто го спроведува Коалиција на младински организации„СЕГА“. 

Мирчевска како член на клубот на млади на Фондација за локален развој и демократија ,,Фокус” ги пренесе искуствата од обуката која што Коалиција „СЕГА“ ја одржа со модератори од 10 градови во Македонија во рамкитре на проектот „Млади медиуми“. Мислењата и ставови на младите велешани ќе бидат испратени на Коалиција „СЕГА“.

Во Струга, од 4 до 6 моември 2022 година, се одржа обука за модератори на фокус групи на проектот ,,Млади медиуми” на Коалиција за младински организации „Сега“ во соработка со Радио МОФ и УГД-ФМ Универзитетско радио, поддржан од страна на  Академија „Дојче Веле“.

Претставник од Фондација за локален развој и демократија ,,Фокус” беше Ивана Мирчевска којашто е дел од Клуб на млади на Фондација „Фокус“.

Мирчевска интензивно ги следеше предавањата во текот на обуката коишто се однесуваа на видови на медиуми, информации за медиумите, медиа култура, лажни вести, значењето на поимот фокус група, улогата, техниките и медиа навики на модераторот.

Како задача од обуката Мирчевска ќе спроведе во Велес работилница со фокус група на млади за да им ги пренесе искуствата и стекнатите знаења за медиумите, медиумската писменост, лажните вести итн.