На 04.12.2009 година во организација на општина Лозово и Фондацијата Фокус во салата на општина Лозово се одржа првата јавна расправа по нацрт програмите и буџетот на општината за следната 2010 година. На јавната расправа присуствуваа 15 претставници од кои градоначалникот Орце Цветковски, претставник од општинската администрација,  3 членови на Совет, 4 претставници од месни заедници, 5 претставници на здруженија на граѓани и 1 претставник од основно училиште.

На јавната расправа од градоначалникот Орце Цветковски И претставникот на општинската администрација Љупчо Димитров беа презентирани трите развојни програми (за изградба на инфраструктурни комунални објекти во 2010, култура, млади И спорт И заштита И спасување) кои ги донел Советот на општината на последната седница. По образложените програми од присутните на јавната расправа беа изнесени следните предлози (по редослед како беа произнесени од присутните) :

1.    Чистење на канал од Дурфулија до Ќусулери
2.    Изработка на Детален урбанистички план за Лзоово
3.    Завршната манифестација од фудбалскиот турнир кој се одржува за Илинден да се случува во Лозово, а покрај ова општината да организира и фолклорни средби
4.    Изградба на детски паркови за децата од предшколска возраст
5.    Организирање на мартовски панаѓур финасиран од општината
6.    Поставување на штедливи сијалици во Лозово
7.    Изградба на зелен пазар во Лозово

Градоначалникот Цветковски на присутните им објасни дека реализацијата на проектите зависи од средствата кои ќе ги добие општината и колку таа ќе успее да се извлече од долгот кој сеуште го има.