Во организација на општина Велес и Фондација Фокус, се одржа седмата по ред јавна расправа за нацрт програмите на општина Велес за следната 2011 година.

На јавната расправа учествуваа 152 граѓани, претставници од месните и урбани заедници, здруженија на граѓани и фондации, спортски здруженија и институции.

Беа предложени следните потребни интервенции за 2011 година.

Нацрт програма за уредување градежно земјиште

Урбана заедница ,,Тунел,,
-Да се направат платформи за кантите за смет.
-Уредување на зеленилото пред зградите на ул. „Славко Ѓорѓиев Сватот“
- Доделување на просторија за работа на Урбаната заедница

Урбана заедница ,,Трајко Капчев,,
- Потпорен ѕид на улица ,,Маца Овчарова,,
- Бетонирање на улицата ,,Јордан Хаџи Константинов Џинот,,
- Бетонирање на улица ,,Ѓорче Петров,,
- Осветлување на игралиште
- Ракохвати за високите делови на градот

Месна заедница ,,Горно Оризари,,
-Плоштадот во центарот на населбата да се уреди

Месна заедница ,,Башино Село,,
-Уредување на пристапен пат од Скопје, излезот кон Велес
-Проширување на 2 влезни кривини до селото
-Уредување на патот до селската црква

Месна заедница ,,Отовица,,
-Дополнување на канализациона мрежа
-Да се направи поширок канал од постоечкиот на железница, за да не се поплавуваат куќите
-Да се реши проблемот со вештачката депонија
-Поставување на патната сигнализација на патот кај ресторанот на Џипунот

Месна заедница ,,Црквино,,
-Водовод
- Да се санира патот кој на одреден дел е поткопан

Урбана Заедница ,,9-ти Ноември,,
-Изградба на тротоар на Љубљанска
-Поставување на решетки за атмосферска вода на ,,Љубљанска,,
-Изградба и рекоснтрукција на потпорни ѕидови на ,,Игманска,,
-Горниот дел од улица ,,Тодор Јанев,, нема вода цела година
- Ракохвати на високите делови

Месна Заедница ,,Сујаклари,,
-Поставување на канализација
-Да се уреди собирањето на комунален отпад од селата од рамничарскиот дел на овој дел до велешко, за сметот преку водата да не оди во езеро Младост

Месна Заедница ,,Бузалково,,
-Реконструкција на водоводна мрежа
-Изградба на канализација
-Асфалтирање на улици во селото
-Проширување на патот до селото

Месна заедница ,,Рлевци,,
-Изградба на 4 км локален пат
-Тампонирање на улици

Урбана заедница ,,Родна Ивева,,
-Регулирање на поројницата
-Регулирање на атмосферски води кои се слеваат без контрола
- Изградба на тротоар на улица ,,Васил Иљоски,,

Месна Заедница ,,Караслари,,
-Поправка на патот до Горно Караслари
-Поставување на улично осветлување
-Чистење на канал
-Детски забавен парк
-Реконструкција на кровот на МЗ

Урбана заедница ,,Шорка,,
-Просторија за Урбаната заедница
- Изработка на Детален урбанистички план

Урбана заедница ,,Трајко Капчев,,
-Да се реши проблемот со вода од поројни дождови на улицата ,,Коле Цветков,,
-Да се реши проблемот со депонија од несовесни граѓани 

Месна заедница ,,Горно Оризари,,
-Легализација на училиштето, нема сала како и тротоар за учениците до објектот

Месна заедница ,,Иванковци,,
-Спортско игралиште
-Расчистување на центарот на селото

Урбана заедница ,,Алексо Демниевски,,
-Пешачки премин кај споменикот Панко Брашнар на улица Благој Ѓорев
-Поставување легнати полицајци поради брзината на автомобилите

Месна заедница ,,Рудник,,
-Проект за пат во должина од 3,8 км изработен, само не се почнуваат градежните активности

Нацрт програма за НВО

Фондација ,,Фокус,,
-Да се зголеми износот за програмата за НВО за да може да се бараат дополнителни средства од Влада, странски инвеститори и други извори за финансирање
-Да се донесат критериуми за финансирање на НВО, во согласност со новиот ЗГФ
-Да се зголемат средставта за ставката за градење стратегија за соработка со НВО

НВО ,,Романи Берша,,
- Да се провери во регистар кои ромски организации постојат и на тие да се делат пари

Здружение на стечајни работници ,,СТРАВ,,
-Да се обезбедат средства за месечна кирија за просторија за здружението

НВО ,,Импакт,,
-Средства за меѓународен фестивал за театар на урбани и јавни површини
Нацрт програма за спорт
Кајакарски клуб ,,Гемиџии 903,,
-Да се обезбедат финансиски средства за отворено првенство на пионери натпреварувачи од Балканот

Младински велосипедски клуб ,,Велес,,
-Да се покриваат финансиските средства за полиција и брза помош при организирање натпревари

г. Лазар Лазаревски, спортски новинар
-Со години се предвидени средства за санација на кровот од салата Гемиџии и за опремување на спортска амбуланта и кајак патека, а не се реализираат
-Да се реши кровот од училишните сали Благој Кирков и Блаже Конески
Нацрт програма за противпожарна заштита

TПП единица Велес   
-Со предвидените 150 илјади денари не може да се опремат 25 пожарникари со зимска опрема, премалку пари се

Нацрт програма за социјална заштита

Меѓуопштинскиот центар за социјална работа
-Меѓуопштинскиот центар за социјална работа да биде вклучен во изработката на локална стратегија за грижа за стари лица