Македонскиот центар за меѓународна соработка (МЦМС) во соработка со Фондацијата Фокус од Велес, ве покануваат да учествувате на информативниот настан за Законот за здруженија и фондации што ќе се одржи на 2 јуни 2010 година во просториите на Фондацијата Фокус во Велес.

 

Како што ви е познато на 12 април 2010 година Собранието на Република Македонија го донесе новиот Закон за здруженија и фондации кој е објавен во Службен весник на Македонија бр. 52 од 16 април 2010 година.

МЦМС како организација која што е посветена на подобрување на правната рамка за граѓанските организации од 1995 година и како директно вклучена во работната група која што го подготвуваше законот, преку овој настан има за цел да ги информира здруженијата на граѓани и фондации за новините кои што се предвидени во законот, а кои што се од суштинско значење за остварувањето на слободата на здружување, да ги презентира можностите за одржливост на граѓанскиот сектор кој ги нуди овој Закон, како и да ве запознае со последователните активности кои што треба да ги преземат одговорните органи на државната управа, но и потребните усогласувања кои што треба да ги направат здруженијата на граѓани и фондации во роковите кои што се превидени во Законот, како и да се лоцираат прашања за појаснување.

11:00 — 12:00    Презентација на Законот за здруженија и фондации

12:00-13:30 Дискусија

Воведничар: Сашо Клековски / Емина Нурединоска