Фондација „Фокус“ со своите соработници продолжува да носи радост во детските срца во последните денови од старата година. На новогодишната забава која се одржа на 27 декември, во кафе – игротеката „Виножито“ организирана во соработка со Фондација „Фокус“, Дедо Мраз донесе новогодишни пакетчиња за 30 деца, предложени од Центарот за социјални работи од Велес.
Децата се забавуваа со Дедо Мраз, играа и ги пееја своите омилени песнички. На крај со пакетче во раце и со прекрасна насмевка на лицето, си заминаа заедно со своите родители.
Пакетчињата кои беа поделени се набавени со средствата собрани од продажбата на новогодишните украси и декорации на Новогодишниот базар кој се одржа на 17 декември, а беа изработени од децата и нивните родителли кои ја посетуваа кафе – игротеката „Виножито“ во текот на месец декември.
До крајот на оваа година не очекува уште еден настан, на кој ќе бидат поделени уште 70 пакетчиња