Во Општина Велес не се нудат формални и неформални програми за обука за занаети од областа на декоративниот дизајн и модниот дизајн, од ниту едно училиште или институција. Преку проектот „Клуч за сопствен бизнис“ се одговора на потребата на млади луѓе во средните училишта во општината преку дизајнирање на програми за областите Декоративен дизајн и Моден дизајн, обезбедување на пракса и правна помош за поттик, мотивација и доближување на самовработувањето преку занает кој е предмет од нивен интерес и е конкурентен на пазарот.
Проектната цел е намалување на идната невработеност по завршувањето на средното гимназиско или друго образование, со обезбедување на стручност и квалификација и поттикнување на процес на самовработување кај 48 ученици од трета година од средното училиште Гимназија Кочо Рацин од Велес, претставници на ранлива категорија на граѓани на Општина Велес кои сметаат дека немаат доволно средства по завршувањето на средното образование да продолжат со образование на државните универзитети. Исто така и да се влијае на намалување на стапката на општата невработеност во градот и зголемување на стапката на самовработување преку изучување на занаети која е и една од целите на поддршка и развој на Општина Велес.
Очекувани резултати од проектот се едуцирани 48 ученици (26 женски и 22 машки) во областа на декоративен и моден дизајн, оспособени 48 ученици (26 женски и 22 машки) преку практична работа за примена на стекнати знаења и зајакнати капацитети на 48 ученици (26 женски и 22 машки) во процесот на самовработување преку бесплатна правна помош.
Проектот е предвиден да трае 9 месеци со вкупен буџет од 1.411,635,00 денари.
Лица за контакт се Убавка Јаневска и Маја Чадиева на е-мајл: Оваа е-адреса е заштитена од спамботови. Треба да ви е овозможено JavaScript за да ја видите.
Проектот „Клуч за сопствен бизнис“ на Фондацијата за локален развој и демократија ФОКУС се спроведува во рамки на Регионалната програма за локална демократија во Западен Балкан 2 – ReLOaD2, која е финансирана од Европската унија (ЕУ), а ја имплементира Програмата за развој на Обединетите нации (УНДП). Проектот Клуч за сопствен бизнис е кофинансиран од Општина Велес.