Велес, 24.02.2017, Првата координативна средба на неформалната мрежа за демократија и локален развој беше одржана во просториите на Фондација „Фокус“. На истата присуствуваа шест граѓански организации од општините Велес, Лозово, Градско и Чашка.
На воведната средба претставниците на организациите предложија конкретни граѓански проблеми што се од приоритетно значење во локалните заедници, а кои на средбите што следуваат ќе се развијат во граѓански иницијативи кои ќе се спроведат во некоја од четирите општини.
Информативната средба е во рамките на програмата Civica mobilitas.
Љубљана ,19-23.09.2016 - Дванаесет жени Креативки од Вардарскиот регион, од 19 до 23 септември годинава беа на тридневната студиска посета во Љубљана, Република Словенија. Креативките од Велес, Свети Николе, Чашка и Неготино имаа можност да видат како тамошните креативни жени изработуваат производи, обезбедуваат конкурентност на пазарот и заработуваат. Тие ги посетија продавниците за рачни изработки „Три Мухе, „Ика“ а беа во посета и на словенечката невладина организација „Сметумет“, која исто така се занимава со изработка на најразлични предмети од рециклиран материјал.