“Одговорно претприемништво за млади: Креирање култура на антикорупција во приватниот сектор”
Денеска во просториите на Фондацијата „ФОКУС“ се одржа семинар на тема: “Одговорно претприемништво за млади: Креирање култура на антикорупција во приватниот сектор”, која е дел од многуте активности на Фондацијата ПСМ (Yes-incubator), финансирана од Европската Комисија. На него учествуваа преставници од следниве институции и организации: Сашко Ристовски - ЛЕР Велес, Зоран Јанкуловски - Здружение на финансиски работници, Бобан Пановски – Технолошко-технички факултет - Велес, Софија Цали - “Младите можат” и Маико Којима од АИЕСЕК од Јапонија. Модератор на трибината беше новинарот Саше Димовски. Како гости - учесници на оваа трибина беа членовите на Младинскиот клуб ФОКУС, преставници од бизнис секторот, од ЛЕР при Општина Велес, професори од средните училишта и други заинтересирани граѓани. На неа се говореше за начините за спречување на корупцијата на сите полиња, но и за последиците од неа и обостраната одговорност.
Кон крајот на април оваа година, се очекува да се случи национална конференција, која ќе преставува и официјално завршување на овој проект.
Младинскиот клуб при Фондацијата “Фокус” во рамките на проектот „Младите за отворено општество - Локална младинска иницијатива“, кој се реализира во партнерство со Младинскиот образовен форум (МОФ), финансиски поддржан од ФИООМ, организира јавен настан со наслов:
„Биди урбан во Велес “
Јавниот настан го организираме со цел да се подигне урбаната култура помеѓу младите во Велес преку стрип цртање, ликовни работилници, промоција на фотографии, цртање на графити, музички настап, модерен балет и возење на ролерки.
Настанот ќе се одржи на ден 17.06.2009 год (среда) со почеток од 19:00 часот, во младинскиот парк на Општина Велес.
Посебна чест ќе ни претставува доколку и Вие присуствувате на настанот и ги проследите креативните творби и промоцијата на младите уметници од Велес.
Голема спортско - хуманитарна манифестација на Општина Велес, Општинската организација на Црвениот крст, Сојуз на училишен спорт, Друштвото на спортски педагози и Фондацијата за локален развој и демократија „Фокус“ на заедничка прес конференција ја најавија големата спортско рекреативна и хуманитарна манифестација. „СПОРТУВАМЕ ЗА ПОСРЕЌНО ДЕТСТВО“.
Оваа активност претставува дел од планираните активности на Општина Велес во областа на спортот за 2009 година.
Манифестацијата годинава се одржува за прв пат со тенденција да се проширува и да прерасне во традиционална.
Оваа голема спортско – рекреативна и хуманитарна манифестација ќе се одржи на 6 јуни 2009 година на Градскиот стадион и на спортските терени во Градскиот парк.