Фондацијата за локален развој и демократија ФОКУС Велес, имплементирајќи го проектот „Транспарентна и отчетна постапка за градежна дозвола“, чија генерална цел е зголемување на влијанието над општината за отчетно и транспарентно издавање на градежни дозволи и овозможување на квалитетна и ефикасна услуга што ќе гарантира нулта толеранција од корупција објавува:
Јавен повик за ангажирање на субјект за изработка на графички дизајн и за подготовка
на електронско издание на финален извештај - АНАЛИЗА
Субјектот треба да има искуство од областа графички дизајн и подготовка на електронско издание на финален извештај – Анализа за потребите на проектот што е составена од содржина ,вкупно дваесет (20) страници, на кои е распореден текст, илустрации и графички елементи ( графикони и табели).
Конкретно, субјектот потребно е:
- да го подготви графичкиот дизајн на финалниот извештај - Анализата,
- графичкиот дизајн да го прилагоди и во форматот за печатење на финалниот извештај - Анализата ( димензии 165 x 235мм)
- да го подготви форматот на електронското издание на финалниот извештај – Анализата за постирање на веб страници и
- да го постира електронското издание на финалниот извештај – АНАЛИЗА на веб страницата на Фондација „Фокус“ - Велес.
Кандидатите кои се заинтересирани за ангажирање за изработка на графички дизајн и за подготовка на електронско издание на финален извештај - АНАЛИЗА , потребно е да достават: понуда без ДДВ и CV или профил од досегашната работа.
Пријавувањето се врши по електронски пат на е – маил: Оваа е-адреса е заштитена од спамботови. Треба да ви е овозможено JavaScript за да ја видите. до 25.12.2018 год. (вторник) до 16.00 часот или лична достава на документите на адресата на Фондација за локален развој и демократија „ФОКУС“ ул: „Солунска 2 А“ со назнака (за проект: Транспарентна и отчетна постапка за градежна дозвола) 1400 Велес.
Овој документ е подготвен со финансиска поддршка од Европската Унија, во рамките на проектот „Граѓанските организации и медиуми против корупцијата - Коалиција за нулта толеранција". Содржината е единствена одговорност на авторите и на Фондација Фокус и таа не мора да ги одразува гледиштата на Европската Унија.
Голем проблем во Велес е конфигурацијата на теренот a донесените урбанистички планови се подготвени без добро планирање. Деталниот план за Речани е многу лошо направен , при планирањето на просторот не се соодветно предвидени содржини кои се од особена важност за граѓаните па затоа тие за набавка на основни намирници за живот мораат да доаѓаат до централно градско подрачје, како најблиско до нивните семејни живеалишта. Слична е состојбата и во други делови на Велес каде има донесено ДУП-ви. Деталните планови се лошо изработени , а Законот за јавни набавки не дава можност да се добие квалитетно изработен план
Постоечкиот Генерален урбанистички план ( ГУП ) на Велес е стар и не соодветствува со реалната состојба поточно неговата реализацијата е „ утопија“ и изработените, важечки, Детални урбанистички планови (ДУП-ви), се неквалитетни пред се поради подготовка од канцеларија а не со утврдување на фактичката состојба на терен. Ниту постоечките нови услови во старите градски јадра на Велес не соодветствуваат со правилниците за изработка на ДУП . При изработката на овие документи за да се поедностави постапката на издавање на Одобрение за градба потребно е да не се цртаат површините за градба туку само за намена, дебатираа учесниците во фокус групата државни службеници – јавна администрација вклучени во проектот „Транспарентна и отчетна постапка за градежна дозвола“.