Пред 90 претставници на микропретпријатија, општини и локални институции на 6 декември се промовираше регионалниот центар за поддршка на микропретпријатијата од вардарскиот регион во Велес.Преку овој регионален центар, на 100 мали и микропретпријатија ќе им се нудат обуки, секојдневна помош и консултации. На договорните органи од 9 општина, пак, ќе им се препорачаат конкретни мерки што треба да ги преземат за намалување на постојните административни и други пречки за поголемо учество на малите и микропретпријатија во јавните набавки.
Потпишан договор со UNDP за зголемување на граѓанското учество во креирање на локални политики преку користење на социјалните медиуми. Проектот предвидува подготвување на интерактивна веб апликација, преку која граѓаните ќе можат да предлагаат свои приоритети, истите да ги приоритизираат и да ја следат нивната реализација.
На 10.12.2012 година во општина Велес се одржа јавна расправа по нацрт-буџетот на општината и програмата за работа на Совет за следната 2013 година. На расправата присуствуваа 13 учесници меѓу кои двајца претседатели на урбани заедници, пет претставници од здруженија на граѓани и фондации, три членови на Совет, еден претставник од институции и двајца претставници од општинската администрација.
