Јавната расправа по Нацрт-програмата за градежно земјиште и заштита на животна средна на просторот на општина Велес за 2013 година наменета за претставниците на месни и урбани заедници и заинтересирани граѓани се одржа на 13.11.2012 година во големата сала на општина Велес. На неа присуствуваа 81 учесник од кои 60 претставници од месни и урбани заедници, 9 членови на Советот на општина Велес, 5 претставници на општинската администрација и 7 претставници од институциите. Проекцијата на Нацрт-програмата за активностите на општината во следната 2013 година ја престави Костадин Настов, раководител на одделението за комунална инфраструктура. По истите дискутираа присутните учесници на расправата, но изнесоа и свои предлози кои не беа опфатени во нацрт- програмата.
Јавната расправа по Нацрт-програмите на Општина Велес за претставниците на институции, здруженија на граѓани и фондации и граѓани се одржа на 07.11.2012 година во големата сала на општина Велес. На неа присуствуваа 78 учесници од кои 51 претставник од НВО, 5 претставници на општинската администрација, 16 претставници од институциите и 5 членови на Совет. Проекцијата на Нацрт-програмите за активностите на општината во следната 2013 година ја преставија службениците на општинската администрација. По истите дискутираа присутните учесници на расправата, но изнесоа и свои предлози кои не беа опфатени во нацрт- документите.
