Во рамките на кампањата „Има начин да се активираш“ во Младинскиот парк во Велес се одржа јавен настан, кој беше наменет за младите во Велес. Преку куглање младите ги срушија негативните влијанија кои постојат кај младата личност како апатија, недоверба, мрзеливост и сл. Исто така имаа прилика да составуваат сложувалка на која беа запишани позитивните вредности од типот: младински активизам , дебата, волонтерство, учиме право и сл.
Во рамки на кампањата „Има начин да се активираш“, членовите на Младинскиот клуб при Фондација „Фокус“ ги посетија четирите средни училишта ОССУ „Јовче Тесличков“, ОССУ „Димитрија Чуповски“, ОССУ „Коле Неделковски“ и ОСУ Гимназија „Кочо Рацин“ во Велес со цел да им овозможат на средношколците да ги презентираат своите идеи и преку мотивирачки пораки директно да се вклучат во активностите кои ги нуди Клубот.
Фондацијата за локален развој и демократија “Фокус“ на 23.02.2012 год
ина одржа обука на тема „Градење на капацитети на младите за вработување и самовработување“.
Обуката ги опфати темите за унапредување на комуникацијата, изработка на личен акционен план за развој, подготовка за интервју, изработка на CV и бизнис план, а ја спроведе Наташа Петкова обучувач од YES Фондација од Скопје.